Naka FC Presiden mo semtaem Memba blong Parliamen, Andrew Napuat i stap kol long olketa futbol otoriti blong wok tuketa blong adresem futbol divelopmen long Port Vila.
MP Napuat i resem konsen afta long dilei blong sam Port Vila Futbol Asosiesen fes divisen maj ova long ol pas dei long Korman stadium. Hemi mensenem se isu ia emi no festaem.
Hemi talem se wan long olketa isu we i stap tekem ples emi absen blong olketa maj ofisol.
Naka FC Presiden i mensenem se hemi awea long alekesen se Vanuatu Futbol Federesen (VFF) i stap distraktem PVFA manejmen we i kosem divisen insaed long referi dipatmen.
MP Napuat i stap apil long VFF mo PVFA blong sotemaot olketa difrens blong tufala mo wok tuketa blong no afektem futbol karia blong fulap yangfala we oli laekem futbol tumas.
Hemi kol long VFF blong rispektem tu olketa PVFA rejista klab we oli stap provaedem tu olketa referi i kam long PVFA.
Mr. Napuat i poentem aot se sport emi blong everi man mo i no blong olketa nomo insaed long long ofis. Hemi apil blong kaen isu olsem i mas stop mo ol kaen insiden bitwin ol futbol otoriti i mas kam gud kwiktaem blong i no afektem ol yut we oli intres blong plei futbol.
Yestedei hemi talem se dilei olsem i mekem hem i mas kol bakeken blong ol ofisol oli kam blong ofisietem maj.
Mr. Napuat i talem se klab we hemi lidim, i liv aotsaed long Port Vila mo wetem olketa isu olsem i stap afektem olketa fan mo pleia blong tim.
source:Vanuatu daily post
Andrew Solomon Napuat 
Leave a comment